ရယ်စရာ ဟာသများ(၁)

အထားနည်းလို့ပါ. 

တရုတ်ပြည်မှာ အငယ်ထားတာ ခေတ်စားသတဲ့...
ထိုင်ဝမ်ကျွန်းကလူတစ်ယောက် လွန်ခဲ့တဲ့ငါးနှစ်က တရုတ်ပြည်မှာ အငယ်တစ်ယောက်ထားခဲ့တယ်။ အငယ်အတွက် ၄သိန်းတန်အိမ်တစ်လုံး ဝယ်ပေးခဲ့ပြီး လစဉ်လတိုင်း ယွမ် ၃ ထောင်ပေးသုံးခဲ့တယ်။ ဒီတစ်နှစ်မှာ အငယ်နဲ့ သူလမ်းခွဲလိုက်တယ်။ ဝယ်ထားတဲ့အိမ်ကိုရောင်းတော့ ၁၂သိန်းရတယ်။ တွက်ကြည့်တော့ အငယ်ကို ၆နှစ်အလကားတွဲလိုက်ရပြီး ၆သိန်းမြတ်သွားတယ်။ အိမ်မြေရောင်းဝယ်ရေးကို သူကျေးဇူးတင်တယ်။ အငယ်ထားတာဟာ ရင်းနှီးမြှုပ်နှံမှုတစ်ခုလို့ သူဆိုတယ်။

အဲဒီလိုနဲ့ ထိုင်ဝမ်ပြန်ရောက်လို့ ဒီအကြောင်းကို မယားကြီးကသိတော့ သူ့ကိုနားရင်းအုပ်ပြီးဆူတယ်။

"ဘာဖြစ်လို့ အငယ်တစ်ယောက်ပဲ ထားခဲ့သလဲ" တဲ့... 

မှန်းချက်နဲ့နှမ်းထွက်

အရက်ဆိုင်ဖွင့်ထားတဲ့ ကျောင်းသားတစ်ယောက်က ခရစ္စမတ်ညမှာ ဆရာကို လက်ဆောင်ပစ္စည်းတစ်ခုပေးဖို့ ဆုံးဖြတ်လိုက်တယ်။ လက်ဆောင်ရတော့ ဆရာက လက်ဆောင်သေတ္တာရဲ့အပြင်မှာ အရည်တစ်မျိုးပေနေတာကိုတွေ့တော့ သေတ္တာထဲမှာ ဘာလက်ဆောင် ထည့်ထားမလဲဆိုပြီး ခန့်မှန်းကြည့်လိုက်တယ်။

ဆရာက အရည်ကို လျှာနဲ့တို့ကြည့်ပြီး .... "ဒါ ဘရန်ဒီဖြစ်မယ်"
ကျောင်းသား ......... "မဟုတ်ပါဘူး"
ဆရာ................... "ဒါဆို ဂျပန်အရက်"
ကျောင်းသား ......... "မဟုတ်ပါဘူး"
ဆရာ.................. "ဒီလိုဆိုရင် XO ပဲဖြစ်မယ်"
ကျောင်းသား......... "မဟုတ်ဘူးဆရာ.. အထဲမှာထည့်ထားတာက ခွေးကလေးတစ်ကောင်ပါ"
ဆရာ.................. "&*@&#*@#"

တခြားသူလည်းပျော်ရအောင်ပါ

စားသောက်ဆိုင်တစ်ဆိုင်မှာ လင်မယားနှစ်ယောက် မင်္ဂလာနှစ်ပတ်လည်နေ့ ကျင်းပနေတယ်။ ရိုမန်တစ်ဆန်တဲ့ဝန်းကျင်မှာ မယားက ချိုချိုသာသာလေးနဲ့ ယောက်ျားကိုပြောပါတယ်။

"ယောက်ျားရေ... နောင်ဘဝကျရင် ငါ့ကိုနင်ယူဦးမလားဟင်း...!"

ဒါကို ယောက်ျားက အားတက်သရော ပြန်ဖြေပါတယ်။

"မိန်းမရေ.. ဒီဘဝမှာ နင်နဲ့ဆုံရတာ ငါ့အတွက် ပျော်ရွှင်ခြင်းတစ်မျိုးပါ။ ဒါပေမဲ့ တစ်ကြိမ်ပဲ ပျော်ပါရစေတော့။ တစ်ခြားလူလည်း ပျော်ရအောင်လို့ နောင်ဘဝကျရင် ဒီပျော်ရွှင်တဲ့အခွင့်အရေးကို တခြားလူဆီ ငါလွှဲခဲ့မယ်"

 ဆရာကလွဲရင်

တစ်ခါတုန်းကတိရစ္ဆာန်ဆေးကုဆရာဝန်တစ်ယောက်ဆီကို

လူတစ်ယောက်ဆေးခန်းလာပြပါတယ်။

လူနာ။            ဆရာ ကျွန်တော်အားလပ်ရက်တစ်လရပါတယ်။ အဲဒါ ဒီတစ်လအတွင်း ကျွန်တော်

ကိုယ့်ကိုကိုယ်ကောင်းကောင်းကုစားလို့ ရပါ့မလား သိချင်ပါတယ်။

တိရစ္ဆာန်ဆေးကုဆရာဝန်။            ကျွန်တော် ပြောချင်တာကတော့ ခင်ဗျား မျက်နှာချင်း

ဆိုင်ကဆေးခန်းကို သွားပြရင် ကောင်းမယ်ထင်တယ်။

လူနာ။                   မဟုတ်ပါဘူး ဆရာ။ ကျွန်တော် ဆရာ့ ဆီကိုပဲ လာတာပါ။

တိရစ္ဆာန်ဆေးကုဆရာဝန်။               ဒါပေမယ့် ကျွန်တော် က တိရစ္ဆာန် ဆေးကု ဆရာဝန်ပါ။
လူတွေကိုကျွန်တော် မကု ပါဘူး ခင်ဗျ။

လူနာ။             ကျွန်တော် ဆရာ့ ကိုကောင်းကောင်းသိပါတယ်။ ဒါကြောင့်လဲ ဆရာ့ ဆီကို လာတာပါ။

တိရစ္ဆာန်ဆေးကုဆရာဝန်။          မဖြစ်နိုင်ပါဘူးဗျာ။ ဘာလို့လဲ ဆိုတော့ ခင်ဗျား က
ကျွန်တော့်လို စကားပြောတယ်၊ ကျွန်တော့် လိုတွေးတယ်။ ဒါကြောင့်ခင်ဗျားလည်း
လူပဲ လို့ ကျွန်တော် ထင်ပါတယ်။

လူနာ။        ကျွန်တော် ကိုယ့် ကိုကိုယ် လူဆိုတာ ကောင်းကောင်းသိပါတယ် ဆရာ။

ဒါပေမယ့်ကျွန်တော် ရှင်းပြတာကို ဆရာ နားထောင်ပါဦး။

တိရစ္ဆာန်ဆေးကုဆရာဝန်။              ကောင်းပြီလေ။ ပြောပါဦး။

လူနာ။     ကျွန်တော် ဟာ ခွေးတစ်ကောင်လိုပဲ အလုပ် အကြောင်းစဉ်းစားရင်းနဲ့ အိပ် ပါတယ်။

မနက်ရောက်ရင် မြင်းတစ်ကောင်လို ပဲ ထရပါတယ်။

အလုပ်ကို တော့ သမင် တစ်ကောင်လို ပြေးသွား ရပါတယ်။

အလုပ်ထဲမှာ တော့ တစ်နေကုန် မြည်း တစ်ကောင်လို လုပ် ရပါတယ်။

ပြီးတော့ဆယ့်တစ်လ လုံးလုံး နားရက် မရှိပဲ နွားတစ်ကောင်လို ရုန်းရပါတယ်။

သူဋ္ဌေးရှေ့မှာတော့ အမြဲတမ်း အမြှီးလေးကုပ်ထားရပါတယ်။

အားချိန်လေးများနည်းနည်း ရရင်တော့ မျောက် တစ်ကောင်လို ပဲ သားတွေ

သမီးတွေနဲ့ကစားရပါသေးတယ်။

မိန်းမရှေ့ရောက်ရင်တော့ ယုန်တစ်ကောင်လိုပေါ့ဗျာ။

ဆရာကလွဲရင် ကျွန်တော် ဘယ်သူမှ ကုပေးလို့ ရမှာ မဟုတ်ဖူး။

----------------------------------------------------------------------------------------

ယောင်္ကျားရေမိန်းမခေါင်းကိုက်လိုက်တာ

ရဲဝန်ထမ်း တယောက် သည် တပတ်လုံး ညဆိုင်း တာဝန်ကျ နေရာ က တရက်မှာ သူ

အလုပ်စောပြီး တာနဲ. အိမ်ကို စောစောပြန်လာ ပါတယ်။ မနက် ၂ နာရီ

ခါတိုင်းထက်၎နာရီ စောပြီး ပြန်လာပါတယ်။

ရဲဝန်ထမ်းဟာ သူ.မိန်းမ အိပ်နေတာ အိပ်ရေးပျက်မှာ ဆိုးသည်နှင်.

မီးမဖွင်.အမှောင်ထဲမှာတင် ယူနီဖောင်း အင်္ကျီ ကို ချွတ်ချလိုက်ပြီး

ကိုယ်လုံးဗလာဖြင်. ခုတင်ပေါ် တက်လိုက်ပါတယ်။

ဒီအခါမှာသူ.မိန်းမ က ကယောင်းကတန်းနှင်.

မိန်းမ- “ယောင်္ကျား ရေ ဒီမှာ ခေါင်းကိုက်လိုသေတော.မယ် ။ ဟို ၂၄ နာရီ

ဆေးဆိုင်ကခေါင်းကိုက်ပျောက်ဆေးလေး သွားဝယ်ပေးပါလား ဟင်”

ရဲဝန်ထမ်း- “၀ယ်ပေးရမှာပေါ. မိန်းမရယ်၊ ခဏလေးစောင်.နော်”

လို.ဆိုပြီး ကမန်းကတန်း အင်္ကျီ ကောက်ဝတ်ပြီး ဆေးဆိုင်ကိုသွားပါတော.တယ်။

ဆေးဆိုင်ရောက်တော.အရောင်းဝန်ထမ်းက အံ.သြပြီး

အရောင်းဝန်ထမ်း
- “ခင်ဗျား က ဟိုဘက်မြို.နယ် က ရဲမဟုတ်လား”

ရဲဝန်ထမ်း
- “ဟုတ်တယ်လေ ဘာလို.လဲ”

အရောင်းဝန်ထမ်း
- “ဒါဆို ခင်ဗျား ဘာလို. မီးသတ်သမား ၀တ်စုံကြီး ၀တ်ထားရတာလဲ”

ရဲဝန်ထမ်း
- “ဟေ”

-------------------------------------------------------------------------------

စိတ္တဇဟာသများ (၁)

ဝေဒနာရှင်လူနာတစ်ယောက်ကနာမည်ကြီးစိတ်ရောဂါအထူးကုဆရာဝန်ကြီး ထံလာပြ၍

ညည်းတွားပြောဆိုပါတယ်..

ဝေဒနာရှင်။ ။ “ဆရာ..ကျနော့်စိတ်ထဲကစွဲလမ်းမှူတွေကြောင့်ဒုက္ခရောက်နေတာ

နှစ်ပေါင်းမနည်းတော့ဘူးဆရာ..အခုထိဘယ်သူမှလဲကောင်းကောင်းမကုသပေးနိုင်ဘူး..”

အထူးကုဆရာဝန်။ ။ “အခုချိန်ထိမင်းကို နောက်ဆုံးဘယ်သူကုပေးလိုက်လဲ။”

ဝေဒနာရှင်။ ။ “အထူးကုဆရာဝန်ဦးဟိုဒင်း ပါဆရာ။”

အထူးကုဆရာဝန်။ ။ “ဆရာဝန်ဦးဟိုဒင်းလား ..ဟာသိတာပေါ့..

အဲဒီဆရာဝန်ကဘာမှသိတာမဟုတ်ဘူး၊တော်တော်တုံးတဲ့ဆရာဝန်ပဲဗျ။ ဒါနဲ့

နေပါဦး..သူကခင်ဗျားကို ဘာတွေများအကြံပေးလိုက်လဲ?”

ဝေဒနာရှင်။ ။ ” သူက..ဆရာ့ဆီကိုသွားပြ ဖို့လမ်းညွှန်လိုက်ပါတယ်။”

--------------------------------------------------------------------------------

စိတ္တဇဟာသများ (၂)

စိတ္တဇဆေးရုံသို့သုတေသနသမားတယောက်ရောက်လာသည်။

ဂျူတီကုတ်အဖြူရောင်ဝတ်တာဝန်ကျဟုယူဆရသောလူတဦးကလာရောက်

ကြိုဆိုပြီးလူနာဆောင်များဆီခေါ်သွားပြီးလူနာ(အရူး)တယောက်ချင်းစီကိုလိုက်လံပြသရင်း

ရှင်းလင်းပြောပြသည်။

မျက်စိစုံမှိတ်ပြီးတစုံတရာကိုတတွတ်တတွတ်ရွတ်နေသောလူတယောက်ကိုညွန်ပြရင်း

အဲဒါက”ပွဲစားအရူးလေ၊သူ”ဂွင်”ချနေတာပေါ့။

ကိုယ်ကိုဟိုဖက်လှည့်သည်ဖက်လှည့်နှင့်လက်ကလဲအငြိမ်မနေဖြစ်နေသောဘောင်းဘီအိပ်ထဲ

ခဏခဏနှိုက်နေသောလူကိုအဲဒါ “မော်တော်ပီကယ်အရူးလေ”

အဲဒီလိုနဲ့တယောက်ပီးတယောက်ပြလာလိုက်တာနောက်ဆုံးလူနာတယောက်ထိရောက်လာပါရောတဲ့၊

အဲဒီနောက်ဆုံးအရူးကခြေတဖက်မြှောက်ပြီးခါးထောက်ပြီးမျက်နှာကလဲခတ်တင်းတင်းနဲ့တဲ့၊

ဒါနဲ့သုတေသနသမားကလိုက်ရှင်းပြနေတဲ့သူကိုမေးလိုက်တယ်။

“သူကရောဘာ အရူးလဲဗျ”

အဲဒီမှာဂျူတီကုတ်ဝတ်လိုက်ရှင်းပြနေတဲ့သူကပြောလိုက်တာကတော့

“အလကားပါဗျာ၊သူ့ကိုယ်သူနပိုလီယံ  နပိုလီယံ လို့ ပြောပြောနေတဲ့ ကောင်ပါ၊

တကယ်တော့ နပိုလီယံ က ကျုပ်ဗျ ကျုပ် ကျုပ်”

လို့ လက်မထောင်ပြီးပြောရင်းထွက်သွားပါလေရောတဲ့ဗျာ။

-------------------------------------------------------------------------------

စိတ္တဇဟာသများ (၃)

စိတ္တဇ ဆေးရုံတစ်ခုတွင်ဖြစ်သည်။လူနာများသည်

နံပါတ် တစ်ခုကိုအော်ဟစ်နေကြရာဆေးရုံတစ်ခုလုံး ဆူညံနေသည် ..

ဆရာဝန်တစ်ယောက်  ကလူနာများကိုမေးသည်။
“37…………37…………37″

“ဘာလို့ 37  လို့အော်နေရတာလဲ”

လူနာများကအပေါ်ကို လက်ညိုးထိုး  ပြကြတယ်။

အဲဒါနဲ့ ဆရာဝန်လည်း အပေါ်ထပ်ကို တက်သွားသည်။ အပေါ်ထပ်တွင်လည်း
“37……………..37……”

“ဘာလိုအဲဒီလိုအော်နေကြတာလဲ” လူနာများက အပေါ်ကို

လက်ညိုးထိုးပြကြပြန်သည်။အဲဒါနဲ့ ဆရာဝန်လည်း အပေါ်ထပ်ကိုတက်သွားသည်။

အပေါ်ထပ်တွင်လည်း 37 ကိုအော်နေကြသည်။

“ငါကိုပြောကြစမ်းပါအုံး…ဘာလို့37 လို့ အော်နေတာလဲ..”

လူနာများကအောက်ကို လက်ညိုးထိုး  ပြကြတယ်။ ဆရာဝန်လည်း

အောက်ထပ်ကိုငုံ ကြည့် လိုက်တယ်။ အဲဒီမှာ နောက်နားက     လူနာက ဆရာဝန်ကို

လေးထပ်တိုက်ပေါ်ကနေ  ကန်ချလိုက်တယ်။  ပြီးတော့လူနာတွေက  ဆက်ရွတ်ကြတယ်။
“38………….38………… ……38″

--------------------------------------------------------------------------------

စိတ္တဇ ဟာသများ (၄)

စိတ္တဇဆေးရုံတစ်ခုဟာလူနာတွေကိုလေယာဉ်နဲ့တင်ဆောင်လာပြီးတော့
အခြားဆေးရုံတစ်ခုကို ပြောင်းပါတယ်။ ဆရာဝန်ကတော့ လေယာဉ်မှုးဘေးမှာထိုင်နေပါတယ်။အဲဒီမှာလေယာဉ်ထဲ ကနေအသံတွေကိုဆူညံနေအောင်ကြားရပါတယ်။ဆရာဝန်ကအရုးခေါင်းဆောင်ကိုဘဲလ်
နှိပ်ပြီးလှမ်းခေါ်လိုက်တယ်။

“ဘာလုပ်နေကြတာလဲ..ဆူညံနေတာပဲ”

“ဘောလုံးကန်နေကြတာပါ ဆရာ”

“ဟာ…..လေယာဉ်ပေါ်မှာဘောလုံးမကန်ရဘူးဆိုတာမသိဘူးလား..သွားစမ်း”

“ဟုတ်ကဲပါဆရာ”

အရုးခေါင်းဆောင်ထွက်သွားလေသည်။
ခဏနေ တော့ဘာသံမှမကြားရတော့။ ဆရာဝန်သည်သဘောကျသွားသည်။ ဘဲလ် နှိပ်ပြီး

အရုးခေါင်ဆောင်ကိုလှမ်းခေါ်လိုက်သည်။

“မင်းဘယ်လိုထိန်းလိုက်တာလဲ…တိတ်ဆိတ်သွားတာပဲ”

“ဆရာဘဲ လေယာဉ်ပေါ်မှာဘောလုံးမကန်ရဘူးဆို…..အဲဒါနဲ့ ကျွှန်တော်လည်း

လေယာဉ် တခါးပေါက်ကိုဖွင့်ပေးလိုက်တာအခုသူတို့ အကုန်အောက်ဆင်းပြီးဘောလုံးကန်နေကြပြီ”

------------------------------------------------------------------------------------------------------

ခင်နဲ.မောင်

အချက်အပြုတ်……….မောင့်အလုပ်

ထင်းမီးသွေးဝယ်……..မောင်ပဲကွယ်

ဆန်ဆီဆားလဲ……….မောင်ပါပဲ

ကလေးထိန်းကျောင်း…..
မောင်ပဲကောင်း

အဖွတ်အလျော်………မောင်ပဲနော်

သို့သော်…သို့သော်

အလှပြင်ဆိုင်……..ခင်ပဲထိုင်

ဗိုလ်ချူပ်ဈေးသွား…..မောင်မတား

ဆလင်းဘတ်အသစ်…..ခင်အတွက်ဖြစ်

ဘာပဲပြောပြော……..ခင်သဘော…..။

-------------------------------------------------------------------------------

မပြောလည်းသိတယ်

ကျွန်တော့် အစ်ကို ဝမ်းကွဲတစ် ယောက်က သူ လက်ထပ်ဖို့ ရည်ရွယ် ထားတဲ့ သူရဲ့ ရည်းစားကို အလွန်ကို အပြစ်မြင် တတ်တဲ့ သူ့အမေနဲ့ မိတ် ဆက်ပေးဖို့ စီစဉ်တယ်။ ဒါပေမယ့် သူ့အမေဆီက ဘက်မလိုက်တဲ့ အမြင် ကို သိရဖို့အတွက် အခြားမိန်းကလေး သူငယ်ချင်းသုံးယောက်ကိုပါဖိတ်လိုက် တယ်။ သူ့ရည်စား ဘယ်သူလဲဆို တာကိုလည်း သူ့အမေကို မပြောထား ဘူး။ တွေ့ဆုံပွဲ ပြီးသွားတဲ့အခါ သူက သူ့အမေကို မေးလိုက်တယ်-]ကျွန် တော် လက်ထပ်ချင်တာ ဘယ်သူလဲ ဆိုတာ အမေ ခန့်မှန်းနိုင်လား”

“ဆံပင်အတိုနဲ့ တစ်ယောက် မဟုတ်လား“

“ဟုတ်ကဲ့၊ အမေ ဘယ်လို သိလဲ“

“ဘာကြောင့်လဲဆိုတော့ အဲဒီ တစ်ယောက်ကို ငါလုံးဝမကြိုက်လို့ပဲ လေ” တဲ့။ 
--------------------------------------------------------------------------------------
အတူတူပါပဲ
တစ်ခါက ရွာလေးတစ်ရွာမှာ လူငယ် ကောင်လေး တစ်ယောက်နဲ့ တစ်ခုလပ် ကောင်မလေးတစ်ယောက် တစ်ဦးကို တစ်ဦး ချစ်ခင်ကြင်နာလို့ အကြင်လင်မယား အဖြစ် အတူတူ ပေါင်းသင်းနေထိုင်ကြတယ်။

ကောင်မလေးက တစ်ခုလပ် ဖြစ်ပေမဲ့ ကောင်လေးကလည်း သူမှ ထူးထူးထွေထွေ ပြောမနေပဲ သူတို့နှစ်ယောက် ပျော်ရွှင်စွာနဲ့ပဲ ပေါင်းသင်းနေထိုင် လာကြတယ်။ ကောင်လေးက အလုပ်သွားတယ်။ ကောင်မလေးက အိမ်မှာ လုပ်စရာ ရှိတာတွေ လုပ်ထားရင်း ကောင်လေးပြန်လာရင် စားသောက်ဖို့ ပြင်ဆင်ချက်ပြုတ်ထားလေ့ရှိတယ်။ သူတို့ အိမ်ထောင်ရေးက သာသာယာယာပါပဲ။

တစ်နေ့တော့ ... ကောင်လေး အလုပ်က ပြန်လာတော့ ကောင်မလေးက ထုံးစံအတိုင်း ထမင်းပွဲလေးခူးပြီး စောင့်နေတယ်။ ကောင်လေးလည်း အိမ်ထဲ ဝင်လာတော့ ကောင်မလေးက ကောင်လေးကို မေးတယ်။

“ မောင်ရေ။ ထမင်းအရင် စားမလား ၊ ရေးအရင်ချိုးမလား။ ”

ဒီတော့ ကောင်လေးက . .

“ ရေအရင်ချိုးလိုက်မယ် လေ။ ”

ဒီမှာ ကောင်မလေးက ပြောတယ်။

“ ကောင်းတယ် မောင်ရေ။ ရေအရင်ချိုးလိုက်နော်။ ထမင်းပွဲကတော့ ခူးပြီးပြီ။ ရေချိုးပြီးမှ ထမင်းစားပေါ့။ ကိုမြင့်အုန်း ဆိုလည်း ဒီလိုပဲ ရေချိုးပြီးမှ ထမင်းစားတယ်။ ”

ကိုမြင့်အုန်း ဆိုတာ ကောင်မလေးရဲ့ အရင် ယောက်ျား။ ကောင်မလေးက ဒီလို သူ့အရင် ယောက်ျား နာမည်ကို ထည့်ပြီး နှိုင်းယှဉ်ပြောတော့ ကောင်လေးလည်း ရင်ထဲ အောင့်သွားပေမဲ့ ဘာမှ မပြောတော့ပဲ ရေချိုးလိုက်တော့မယ်။ ပြီးတော့ ထမင်းစားလိုက်တယ်။ နောက်တော့လည်း သူ့ဖာသာ မေ့မေ့ပျောက်ပျောက် ဖြစ်သွားတော့တယ်။

ဒါနဲ့ အတော်ကြာတော့ ကောင်လေး ရုံးက အလုပ်တွေ အိမ်ကို ပါလာသတဲ့။ ဒါနဲ့ ထမင်းစားသောက်ပြီး ညမိုးချုပ်တဲ အထိ ကောင်လေးက လုပ်နေတာကို ကောင်မလေးက ဘေးနားကနေ ထိုင်ပြီး စောင့်နေတယ်။ အတော်ကြာတော့. .

“ မောင်ရေ..။ အလုပ်လုပ်ရင်း သောက်ဖို့ ကော်ဖီ ဖျော်ပေးရမလား။ ”

ဒီတော့ ကောင်လေးက အလုပ်လုပ်ရာကနေ . .

“ ကောင်းသားပဲ။ သောက်ရတာပေါ့။ ”

လို့ လှမ်းပြောတယ်။ ဒီတော့ ကောင်မလေးက ကော်ဖီဖျော်ဖို့ ထသွားရင်း ကော်ဖီ ဖျော်ပြီးတော့ ယူလာခဲ့တယ်။ ပြီးတော့ ကောင်လေး သောက်ဖို့ချပေးရင်း . . .

“ သောက်လို့ ရပြီ မောင်ရေ။ ကိုမြင့်အုန်း လည်း ဒီလိုပဲ အလုပ်တွေ များလို့ ညဘက် လုပ်ရရင် ဒီလိုပဲ ကော်ဖီသောက်တတ်တယ်။ ”

ကောင်လေး သောက်နေတဲ့ ကော်ဖိ နင်သလို ဖြစ်သွားတယ်။ သူ့အရင်ယောက်ျားကို သတိရနေတာပါလား လို့လည်း တွေးမိပြီး စိတ်ထဲမှာ ပိုပြီး မခံချိ မခံသာ ဖြစ်သွားတယ်။

ဒီလိုနဲ့ နောက်တစ်နေ့မှာတော့ ကောင်လေး လစာထုတ်လာတော့ သူငယ်ချင်းတွေက အတင်းတိုက်လို့ နည်းနည်းလေး ထွေလာတယ်ပေါ့လေ။ ဒါကြောင့် ကောင်လေး အိမ်ပြန်တာ နောက်ကျတယ်။ အိမ်ကို ရောက်တော့ ကောင်မလေးကတော့ ထုံးစံ အတိုင်း ထမင်းပွဲလေး ပြင်ပြီး စောင့်နေတယ်။ ကောင်လေး အိမ်ပေါ်တတ်တော့ ကောင်မလေးက အရက်ထွေလာတာကို မသိပဲ။

“ မောင်ရေ ထမင်းအရင်စားမလား ၊ ရေအရင် ချိုးမလား။ ”

ဒီတော့ ကောင်လေးက အာလေး လျှာလေးသံကြီးနဲ့ . .

“ ဘာဖြစ်နေတာလဲ။ အခုမှ ပြန်ရောက်တာလေ..။ စားမှာပေါ့။ ”

ကောင်လေးရဲ့ အသံကြားတော့ ကောင်မလေးက ကောင်လေး ထွေလာတယ် ဆိုတာ သိတော့ အလိုက်သင့် အနေနဲ့. .

“ ကဲပါ။ ဒါဆိုလည်း မောင် ရေအရင်ချိုးလိုက်။ ပြီးမှ ထမင်းစားနော်။ ကိုမြင့်အုန်း ဆိုလည်း ဒီလိုပဲလေ။ ”

ထေလာတဲ့ ကောင်လေး ပိုပြီး နင်သလို ဖြစ်သွားတယ်။ ဘာမှ မပြောတော့ပဲ ရှူးရှူးရှားရှား ရေဆင်းချိုးနေတယ်။ ပြီးတော့ နည်းနည်းလည်း အမူးပြေသွားပြီး ရေချိုးတတ်လာတော့ ကောင်မလေးက . . .

“ မောင် ဘယ်လို နေသေးလဲ။ ကိုမြင့်အုန်း ဆိုလည်း ဒီလိုပဲ မူးလာလို့ ရေးချိုးလိုက်ရင် သက်သာသွားတယ်လေ။ ”

ဒီတော့ နဂိုကတည်းက အရင် ယောက်ျားနဲ့ ခိုင်းနှိုင်းပြတာကို မကြိုက်လို့ စိတ်တိုနေတဲ့ ကောင်လေးက အခုလို အရက် ထွေလာတဲ့ အချိန်ဆိုတော့ ကောင်မလေးက စပြီး ရိုက်တော့တာပဲ ။ ရိုက်လည်း ရိုက် ကောင်လေး ပါးစပ်ကလည်း အော်ပြောတော့တယ်။

“ ငါနဲ့ ပေါင်းနေတာတောင်မှ အရင်က လင်ကြီးကို သတိရနေသေးတယ် ဟုတ်လား။ တစ်ခုခု ဖြစ်ရင် နင့်လင်ကြီးကိုပဲ သတိရနေတယ်ပေါ့လေ။ ”

ဒီလို ပြောလည်း ပြော ၊ ရိုက်လည်း ရိုက်နေတော့ ။ ကောင်မလေးကလည်း ကောင်လေးက ဒီလို မရိုက်ဖူးတော့ ကြောက်လန့်တကြား ငိုရင်းနဲ့ ဒီလို ပြန်ပြောသတဲ့။

“ ရိုက်ပါ ၊ ရိုက်ပါ ။ အဲဒီလိုပဲ ကိုမြင့်အုန်းလည်း မူးလာရင် ခဏခဏ ရိုက်တယ်။ ”

တဲ့လေ။ ကဲ..အဲဒီလိုပဲ မိန်းကလေးတွေကလေ။ ဆင်ခြင်ကြဖို့ပါ။ ကျွန်တော်ကတော့ ပြောလိုက်ချင်တယ်။ “နည်းတောင်မှ နည်းသေးတယ်။ ” လို့. ... အဟဲ.။
-----------------------------------------------------------------------------------

လုံလုံခြုံခြုံ ရှိအောင်လို့ပါ

တစ်ခါကတရားရုံးတစ်ခုမှာ ဘတ်စ် စပယ်ယာက သူ့ရဲ့ ခရီးသည် အဒေါ်ကြီး တစ်ဦးကို ကားပေါ်က ကန်ချတယ် ဆိုသော အမှု တစ်ခုကို စစ်ဆေးနေတယ်။

တရားသူကြီးက ကားစပယ်ယာကို မေးတယ်။

“ မင်း ခရီးသည် ဒီအဒေါ်ကြီးကို ကားပေါ်က ကန်ချတယ် ဆိုတာ တကယ်ပဲလား။ ”

ဒီတော့ ကားစပယ်ယာကလည်း မလိမ်မညာပဲ အမှန်အတိုင်းပြောတယ်။

“ ဟုတ်ပါတယ် တရားသူကြီးမင်း ။ ကျွန်တော် ကန်ချခဲ့ပါတယ်။ ”

“ ဟေ။ ဘာလို့ ဒီလို ကန်ချတာလဲ။ ”

တရားသူကြီးကလည်း တအံ့တသြ နဲ့ မေးလိုက်တော့ တရားခံ ကားစပယ်ရာက .. . .

“ ဒီလိုပါ တရာသူကြီးမင်း။ ကျွန်တော့် ကားပေါ်ကို သူက တတ်လာပါတယ်။ တတ်တတ်ချင်းလည်း နေရာရပါတယ်။ ခဏကြာတော့ သူ့ဆီကို ကျွန်တော် သွားပြီးတော့ “ ယာဉ်စီးခ ” တောင်းပါတယ်။ ( ဒီနေရာမှာ “ ကားခ ” ဆိုတာကြီးကို ကျွန်တော်က မကြိုက်လို့ မသုံးဘူးဗျာ။ ဘယ်လိုကြီးမှန်း မသိဘူး။ ကျက်သရေ မရှိ။ )

ဒီလို ယာဉ်စီးခ တောင်းတော့ သူက သူ့ထိုင်ခုံအောက်မှာ ဆွဲထားတဲ့ ခြင်းတောင်းကို ထုတ်ပါတယ်။ ခြင်းတောင်းထဲက ဘေးလွယ်အိတ်ကို ထုတ်ပါတယ်။ ဘေးလွယ်အိတ်ထဲက လက်ပွေ့အိတ်ကို ထုတ်ပါတယ်။ လက်ပွေ့အိတ်ထဲက လက်ကိုင်အိတ်ကို ထုတ်ပါတယ်။ လက်ကိုင်အိတ်ထဲက ပိုက်ဆံအိတ်ကို ထုတ်ပါတယ်။ ပိုက်ဆံ အိတ်ထဲက ပလတ်စတစ်နဲ့ ထုတ်ထားတဲ့ ပိုက်ဆံ အခေါက်လေးကို ထုတ်ယူပါတယ်။ ဒီပလတ်စတစ်လေးကို သားရေပင်နဲ့ ချည်ထားပါတယ်။ သူ ဒါကို ဖြေနေတုန်း ဘတ်စ် နောက်ဘက်မှာ လူတွေ တတ်လာလို့ ကျွန်တော် ယာဉ်စီးခ သွားကောက်ပါတယ်။

နောက်က လူတွေကို ယာဉ်စီးက သွားကောက်ပြီး သူ့ဆီ ပြန်လာတော့ သူက အားလုံးကို ပြန်ထည့်ပြီးသွားပြီ။ ဒါကြောင့် ယာဉ်စီးခ ပေးဦးလေ လို့တောင်းတော့ သူ့ထိုင်ခုံအောက်မှာ ဆွဲထားတဲ့ ခြင်းတောင်းကို ထုတ်ပါတယ်။ ခြင်းတောင်းထဲက ဘေးလွယ်အိတ်ကို ထုတ်ပါတယ်။ ဘေးလွယ်အိတ်ထဲက လက်ပွေ့အိတ်ကို ထုတ်ပါတယ်။ လက်ပွေ့အိတ်ထဲက လက်ကိုင်အိတ်ကို ထုတ်ပါတယ်။ လက်ကိုင်အိတ်ထဲက ပိုက်ဆံအိတ်ကို ထုတ်ပါတယ်။ ပိုက်ဆံ အိတ်ထဲက ပလတ်စတစ်နဲ့ ထုတ်ထားတဲ့ ပိုက်ဆံအခေါက်လေးကို ထုတ်ယူပါတယ်။ ဒီပလတ်စတစ်လေးကို သားရေပင်နဲ့ ချည်ထားပါတယ်။ သူ ဒါကို ဖြေနေတုန်း ဘတ်စ် နောက်ဘက်မှာ လူတွေ တတ်လာလို့ ကျွန်တော် ယာဉ်စီးခ သွားကောက်ပါတယ်။

ဒီတစ်ခါ တတ်လာတာက သုံးယောက်ဆိုတော့ နည်းနည်းကြာသွားပါတယ်။ ပြီးတော့ သူ့ဆီ ပြန်ရောက်တော့ သူက ယာဉ်စီးခ မထုတ်ထားပဲ အားလုံး ပြန်ထည့်သိမ်းထားတယ်။ ဒါကြောင့် ယာဉ်စီးခ ပေးဖို့ ထပ်ပြောတော့..သူက သူ့ထိုင်ခုံအောက်မှာ ဆွဲထားတဲ့ ခြင်းတောင်းကို ထုတ်ပါတယ်။ ခြင်းတောင်းထဲက ဘေးလွယ်အိတ်ကို ထုတ်ပါတယ်။ ဘေးလွယ်အိတ်ထဲက ....................။ ”

“ ဟေ့...ဟေ့..တော်တော့။ ”

နားထောင်နေတဲ့ တရားသူကြီးက ရုတ်တရက် လှမ်းအော်ပြောတယ်။ စပယ်ယာက မျက်နှာငယ်လေးနဲ့ လှမ်းမော့ကြည့်တော့ တရားသူကြီးက ပြောတယ်။

“ မင်းကို သူကို ဒီလို ဘယ်နှစ်လုပ်လဲ.။ ဒါပဲ ဖြေတော့။ ”

“ ဟုတ်ကဲ့။ ဒီလိုမျိုး ၅ ခါ လုပ်ပါတယ်။ ၆ ကြိမ်မြောက်မှာတော့ ကျွန်တော်လည်း သည်းမခံနိုင်တော့လို့ သူ့ကို ကားပေါ်က ကန်ချမိတာပါ။ ”

“ အေး..၊ မင်းမို့လို့ ၆ ကြိမ်အထိ သည်းခံနေတာ.။ ငါသာဆိုရင် ၃ ကြိမ် ကတည်းက ကန်ချတယ်ကွ။ ”

လို့ တရားသူကြီးက အော်ပြောလေတော့တယ်။ ဒီလိုပါပဲ။ လောကကြီးမှာ လူတွေက နည်းနည်းတော့ ခက်တယ်နော်။ ဒါကြောင့် ကျွန်တော်ပြောတာ စပယ်ယာနဲ့မို့ပေါ့ဗျာ ကျွန်တော်သာဆို ဒီထက်ဆိုးမယ်.. .“ နည်းတောင်မှ နည်းသေးပါတယ်။ ” လို့။